دوست کے گھر سے اچانک سیکٹر کمانڈر(بھابھی) کا فون آیا، معلوم ہوا کہ گھر پر چھپکلیوں نے سرجیکل اسٹرائیک کیا۔
ہم نے دفاعی حکمت عملی مرتب کی اور پہنچتے ہی جدید ساز و سامان ( وائپر، جھاڑو) ہاتھ میں تھام کر اگلے مورچوں کی طرف چڑھائی شروع کی، تو سب سے پہلے کچن میں دشمنوں پر گولہ باری کی اورانہیں پیچھے ہٹنے پر مجبور کیا۔
جیسے ہی دشمن پیچھے ہٹا موقع غنیمت جان کر جالیوں اور سوراخوں کو بند کیا، واپس آکر کمرے میں ایک چھپکلی کو موجود پایا تو اُسے جذبہ خیر سگالی کے تحت معاف کر کے گھر کی سرحد سے باہر نکال دیا۔
