اسلام آباد: پاکستان بار کونسل نے وزیراعظم عمران خان سے مطالبہ کیا ہے کہ وہ ملکی مفادات اور سالمیت کو برقرار رکھنے کے لیے فروغ نسیم سے وزیرقانون کا عہدہ واپس لیں۔
بار کونسل کی جانب سے جاری اعلامیے میں کہا گیا ہے کہ جسٹس قاضی فائز عیسیٰ کے خلاف دائر ریفرنس کے معاملے پر اٹارنی جنرل منصور خان نے استعفیٰ دیا مگر فروغ نسیم اس معاملے کو غلط رنگ دینے کی کوشش کررہے ہیں۔
بار کونسل نے مطالبہ کیا ہے کہ جمہوریت اور فروغ اور ملکی سالمیت کے لیے وزیراعظم فوری طور پر فروغ نسیم کو وزیر قانون کے عہدے سے برطرف کریں۔
یاد رہے کہ جسٹس قاضی فائز عیسیٰ کے خلاف دائر ریفرنس میں اٹارنی جنرل نے حکومت کی جانب سے مؤقف پیش کیا، جس پر لارجر بینچ نے اٹارنی جنرل کے خلاف سخت ریمارکس دیے، جس کے بعد انہوں نے اپنے عہدے سے مستعفیٰ ہونے کا اعلان کیا۔
