معروف صحافی سلیم صافی نے جہانگیر ترین کے خلاف آنے والی رپورٹ پر تہلکہ خیز انکشاف کردیا۔
انہوں نے اپنے ٹویٹر پر لکھا کہ “احتساب ڈرامہ ہے ۔اصل بات یہ ہے کہ جہانگیر ترین گروپ کےمقابلے میں بنی گالہ گروپ جیت گیا۔ بنی گالہ گروپ زلفی بخاری، اعظم خان،اسد عمر ،زیدی اور فردوس عاشق پر مشتمل ہے۔اگر چینی بحران کی بنیاد پر محاسبہ ہورہا ہے تو پھر وزیراعلیٰ پنجاب،خسرو بختیار اور ان کے بھائی فارغ کیوں نہیں ہوئے”۔
اپنے ایک اور ٹویٹ میں سلیم صافی نے لکھا کہ “صرف سبسڈی مسئلہ نہیں تھا ، جن لوگوں نے آٹا اور چینی بحران پیدا کرکے فائدہ اٹھایا، ان کا نہ رپورٹ میں ذکر ہے اور نہ ان کے خلاف کوئی کاروائی ہوگی۔ یہ پی ٹی آئی کی اندر کی لڑائی ہے جو پہلے ترین جیت رہے تھے ۔اور اب مخالف گروپ جیت گیا کیونکہ زلفی بخاری اور اعظم خان اس طرف ہوگئے ہیں”۔
