اسلام آباد: نامور شیعہ عالم دین اور مجلس وحدت المسلمین کے جنرل سیکرٹری امین شہیدی نے اعلان کیا کہ ہے کہ رمضان المبارک میں عزاداری، جلوس اور القدس ریلی نکالی جائے گی۔
اپنے یوٹیوب پر شیئر کردہ ویڈیو میں علامہ امین شہیدی کا کہنا تھا کہ صدر مملکت ڈاکٹر عارف علوی کے ساتھ ہونے والی علما کی بیٹھک میں تمام معاملات طے ہوئے، انہوں نے بتایا کہ احتیاطی تدابیر پر عمل کر کے تمام عبادات کی جاسکتی ہیں۔
علامہ امین شہیدی کا کہنا تھا کہ رمضان المبارک میں تمام مجالس، جلوس اور ریلیوں سمیت شب قدر کے اعمال کا انعقاد کیا جائے گا، عزاداری کو کوئی نہیں روک سکتا اس کا سلسلہ جاری و ساری رہے گا۔
