کراچی، فضائیہ ہاؤسنگ اسکیم فراڈ، نیب کا بڑا انکشاف
کراچی: احتساب عدالت میں فضائیہ ہاؤسنگ اسکیم کےنام پر ہونے والے فراڈ کیس کی سماعت ہوئی جس میں وکیل ایک بار پھر پیشی پر غائب رہے۔
عدالت نے وکیل کی عدم پیشی کو بنیاد بنا کر مقدمے کی سماعت پانچ جون تک ملتوی کردی، نیب کے مطابق فضائیہ ہاؤسنگ اسکیم کے متاثرین کی تعداد 6 ہزار سے زائد ہے، بڑی تعداد میں عوام سے فراڈ کیا گیا، متاثرین نے اسکیم پر 13 ارب روپے لگائے جو بلڈر اور دیگر حکام ہڑپ کر گئے۔
یاد رہے کہ منتظمین اور بلڈر نے گزشتہ سماعت پر عدالت کو یقین دہانی کروائی تھی کہ وہ الاٹیز کو پوری رقم واپس کرنے پر تیار ہیں، البتہ اس معاملے پر کوئی پیشرفت سامنے نہیں آسکی۔
فضائیہ ہاؤسنگ اسکیم فراڈ، منتظمین کا الاٹیز کو پوری رقم ادا کرنے کا اعلان
