کیا عمران فاروق نئی پارٹی بنا رہے تھے؟ شمائلہ عمران نے سب بتا دیا
لندن: ایم کیو ایم کے مقتول رہنما ڈاکٹر عمران فاروق کی بیوہ شمائلہ عمران نے کہا ہے کہ ایم کیو ایم پاکستان سے کبھی کسی نے رابطہ نہیں کیا اور لندن قیادت نے بھی کافی عرصے سے کوئی بات نہیں کی۔
شاہ زیب خانزادہ کو دیے گئے انٹرویو میں شمائلہ عمران کا کہنا تھا کہ ’عدالتی فیصلےکیلئے10سال کےطویل عرصےسےگزری ہوں، انصاف پریقین ہے،تکلیف دہ وقت گزارااورگزاررہی ہوں،کینسر میں مبتلاہوں حالات سب سنتےہیں مدد نہیں ملتی، مجھےکچھ ہوجائےتوبچوں کی ذمہ داری بھائی بھابھی کودیتی ہوں،ایم کیو ایم پاکستان سےبھی کوئی رابطہ نہیں کرتا، ایم کیوایم رہنماؤں کےبیانات اخبارات میں پڑھتی ہوں۔
اُن کا کہنا تھا کہ ’عمران فاروق پریشان رہتےتھےلیکن کبھی بتایانہیں ،بچوں کی کونسلنگ ہورہی ہے، کسی نے کسی بھی طرح مدد نہیں کی، تاثردیاگیاعمران فاروق نئی پارٹی بنارہےہیں اس لیے انہیں قتل کیا گیا، ایسا بالکل نہیں تھا، عمران فاروق پارٹی کےساتھ رہے اور وہ وفادار تھے‘۔
شمائلہ عمران نے بتایا کہ ایم کیو ایم لندن کی قیادت کچھ عرصے پہلے تک رابطے میں تھی مگر پھر انہوں نے بھی حال چال پوچھنا چھوڑ دیا، میں جس مشکل وقت سے گزر رہی ہوں خدا کسی دشمن کو بھی نہ دکھائے۔
ایم کیو ایم لندن نے میرا ساتھ چھوڑدیا۔ میں نے اور میرے بچوں نے بہت مشکل وقت گزارا ہے۔ میرے حالات سبکو پتا ہیں مگر کسی نے مدد نہیں کی،شمائلہ عمران فاروق 2/2 pic.twitter.com/DIC0LerkYf
— Shahzeb Khanzada (@shazbkhanzdaGEO) June 18, 2020
