پی سی بی مینجمنٹ نے ذہنی اذیت دی، محمد عامر کا احتجاجا کرکٹ سے ریٹائرمنٹ کا اعلان
قومی ٹیم کے فاسٹ باؤلر محمد عامر نے سلیکشن کمیٹی کے خلاف احتجاج کرتے ہوئے انٹرنیشنل کرکٹ سے ریٹائرمنٹ کا اعلان کردیا۔
سما نیوز کے اسپورٹس رپورٹر شعیب جٹ کو دیے گئے انٹرویو میں محمد عامر نے کہا کہ میں پی سی بی کی موجودہ مینجمینٹ کے ساتھ نہیں کھیل سکتا کیونکہ انہوں نے مجھے ذہنی اذیت دی جس کی وجہ سے میں بہت زیادہ دباؤ کا شکار ہوں۔
اُن کا کہنا تھا کہ پرفارمنس کے باوجود مجھ پر طعنے کسے جاتے ہیں، کوچز کہتے ہیں کہ عامر نے دھوکا دیا۔ عامر نے الزام عائد کیا گیا انہیں منصوبہ کے تحت سائیڈ لائن کیا گیا اور ان کے بارے میں تاثر قائم کیا گیا کہ وہ ملک کے لیے نہیں کھیلنا چاہتے۔
