روالپنڈی، ماں بیٹے کا قتل، پولیس نے ملزم کی گرفتاری کے لیے شہریوں سے مدد مانگ لی
روالپنڈی کے علاقے چونترہ میں ماں کو سرعام زیادتی کا نشانہ بنا کر 8 ماہ کی بچی اور متاثرہ خاتون پر تشدد کرنے والے ملزم کو پولیس چار روز گزر جانے کے باوجود بھی گرفتار نہیں کرسکی۔
یاد رہے کہ کئی روز قبل سماجی رابطے کی ویب سائٹ پر ایک ویڈیو آئی تھی جس میں خاتون اپنے بچے کی لاش کے پاس ہوش و ہواس کھوئی بیٹھی تھیں، متاثرہ خاتون کو بازیاب کر کے اسپتال منتقل کیا گیا جہاں وہ بھی انتقال کرگئیں۔
ذرائع کو دستیاب معلومات کے مطابق خاتون کے ساتھ زبردستی زیادتی کی گئی اور مزاحمت پر انہیں ، بیٹے سمیت شدید تشدد کا نشانہ بنایا گیا۔ تھانہ چونترہ میں اس واقعے کا مقدمہ درج ہوگیا، جس کے بعد پولیس نے ملزم کی گرفتاری کے لیے چھاپے مارے مگر انہیں ناکامی کا سامنا رہا۔
ملزم واجد علی ولد علی اصغر۔
راولپنڈی پولیس کو یہ ملزم چونترہ کےعلاقہ میں خاتون اورکمسن بچے کےقتل کےمقدمہ میں مطلوب ہے، جس کی تلاش و گرفتاری کاتحرک جاری ہے۔ اگر آپ کو اس ملزم کےبارےمیں معلومات ہوں تو ہمیں مطلع کیجیے۔ آپکا تعاون ہمارےلیے اہم ہے۔
03008244958
0519292600
111-276-797 pic.twitter.com/Gm8uIpkTpV— Rawalpindi Police (@RwpPolice) July 26, 2021
اب راولپنڈی پولیس نے ملزم کی شناخت اور گرفتاری کے لیے شہریوں سے مدد مانگتے ہوئے انتہائی مطلوب کا اشتہار جاری کیا، جس میں شہریوں کو پیش کش کی گئی ہے کہ اگر اُن کے پاس ملزم واجد علی ولد اصغر علی سے متعلق کوئی معلومات ہیں تو فراہم کریں، اطلاع دینے والے کو معقول انعام اور نام صیغہ راز میں رکھا جائے گا۔
