کراچی (اسٹاف رپورٹر)ڈپٹی کمشنر ایڈمنسٹریٹر بلدیہ کیماڑی مختار علی ابڑو کی ہدایت پر بلدیہ کیماڑی کی حدود میں محرم الحرام کے حوالہ سے جاری تعمیر و مرمت کے کاموں میں باہمی مشاورت کا خصوصی خیال رکھا جارہا ہے منتظمین کی جانب سے موصولہ تجاویز کی روشنی میں مساجد وامام بارگاہوں کے اطراف صفائی ستھرائی،روشنی کی فراہمی اور جلوس کی گزرگاہوں پرتعمیر ومرمت کے کاموں کوتمام تردستیاب وسائل بروئے کار لاکر انتظامات کو جلد از جلد حتمی شکل دی جائے میونسپل کمشنر بلدیہ کیماڑی آفاق سعید نے بلدیہ کیماڑی کی حدودمیں جاری استرکاری اور روشنی کی فراہمی کے کاموں کا جائزہ لیا انہوں نے منتظمین سے ملاقات کرکے انتظامیہ کی جانب سے کرائےجانے والے کاموں کے بارے میں تفصیلات سے آگاہ کرتے ہوئے بتایا کہ محرم الحرام میں عزاداران کو سہولیات کی فراہمی کیلئے تمام تر دستیاب وسائل کو بروئے کار لایا جارہا ہے خصوصا امام بارگاہوں کے اطراف اور جلوس کی گزرگاہوں پر روشنی کی فراہمی کے ساتھ ساتھ تعمیر ومرمت کے جاری کاموں کو برق رفتاری سے مکمل کرنے کیلئے افسران و عملہ شب وروز جد وجہد میں مصروف عمل ہیں منتظمین نے عاشورہ کے حوالے سے کیئے جانے والے انتظامات پر اطمینان کا اظہار کرتے ہوئے انتظامیہ کی جانب سے کی جانے والی کاوشوں کو سراہا۔
میونسپل کمشنر بلدیہ کیماڑی آفاق سعید کا ترقیاتی کاموں کاجائزہ
