افسران کی جانب سے میونسپل کمشنرغلام سرور راہپوٹوکو انتظامات کے حوالے سے بریفنگ دی گئی
ٹیم ورک کے نتیجے میں بہترین بلدیاتی خدمات کو یقینی بنایا گیا، میونسپل کمشنر ایسٹ
حضرت امام حسین ودیگرشہداء کےسوئم کا جلوس کامران چورنگی گلستان جوہر سے برآمد
سپریٹندنگ انجنئیرز مبین شیخ، اظہر شاہ ایگزیکٹیو انجنئیر امتیاز بھٹو ودیگر افسران، میونسپل کمشنر کے ہمراہ موجود تھے
کراچی(اسٹاف رپورٹر)میونسپل کمشنر ڈی ایم سی ایسٹ غلام سرور راہپوٹو نے کہا ہے کہ ایام عزا سمیت دیگر جلوسوں میں بلدیاتی خدمات کی فراہمی کیلئے بلدیہ شرقی تاحال متحرک ہے دیگر اہم مواقعوں پر بھی بلدیاتی خدمات کی فراہمی کے حوالے سے گریز نہیں کیا جائیگا ان خیالات کا اظہار انہوں نے سپریٹنڈنگ انجنئیرز مبین شیخ، سید اظہر حسین شاہ، ایگزیکٹیو انجنئیر ایم اینڈای امتیاز بھٹو ودیگر افسران کے ہمراہ کامران چورنگی گلستان جوہر پر سوئم کے جلوس کے حوالے سے کئے جانے والے بلدیاتی انتظامات کے معائنے کے دوران کیا انہوں نے مزیدکہا کہ بلدیہ شرقی کے محکمہ جات خدمات کی فراہمی میں ہمیشہ پیش پیش رہتے ہیں اور کوشش ہوتی ہے کہ ہر موقعہ پر بلدیاتی خدمات بہتر سے بہتر فراہم کی جائیں، جلوس کے روٹس کے معائنے کے دوران انہوں نے افسران کو بروقت بلدیاتی خدمات کی فراہمی پر سراہا، دورے کے دوران ان کے ہمراہ ڈائریکٹر میونسپل سروسز توقیر عباس، ڈائریکٹر پارکس عبدالغنی شیخ، اسسٹنٹ ایگزیکٹیو انجنئیر سول راشد فیاض ودیگر بھی موجود تھے
