گورنرسندھ کی تھائی لینڈکے قومی دن کی تقریب میں شرکت
کیک کاٹا گیا ۔ گورنرسندھ کی تھائی لینڈ کے قائم مقام قونصل جنرل اورعوام کو مبارک باد
گورنرسندھ کامران خان ٹیسوری نے تھائی لینڈ کے قومی دن کی مناسبت سے منعقدہ تقریب میں شرکت کی ۔ تقریب میں تھائی لینڈ کے قومی دن کے موقع پر کیک بھی کا ٹا گیا۔
تقریب میں سابق گورنر سندھ محمد میاں سومرو، مختلف ممالک کے سفارت کار ،ٹریڈ کمشنر عارف سلیمان اور عمائدین شہر بھی موجود تھے۔
گورنرسندھ نے قائم مقام قونصل جنرل اور تھائی لینڈ کے عوام کو مبارک باد د ی ۔ گورنرسندھ نے کہا کہ پاک تھائی لینڈ دوطرفہ تعلقات وقت کے ساتھ مزید مستحکم ہو رہے ہیں۔
انہوں نے مزید کہا کہ مختلف شعبوں میں تعاون میں اضافہ سے دونوں ممالک کو فائدہ ہوگا۔تھائی لینڈ کے قائم مقام قونصل جنرل نے کہا کہ پاکستان سے تعلقات میں اضافہ ہورہا ہے۔
