قاہرہ :القاعدہ نے اپنے سربراہ ایمن الظواہری کی ایک نئی آڈیو ریکارڈنگ جاری کی ہے جس کا دورانیہ 35منٹ کا ہے، جس کے بعد القاعدہ سربراہ کی ہلاکت کے امریکی دعوے پر سوال کھڑے ہو گئے ہیں۔
امریکی حکام نے رواں برس اگست میں افغانستان میں ایک حملے میں الظواہری کے ہلاک ہونے کا دعویٰ کیا تھااور اسے اسامہ بن لادن کے قتل کے بعد القاعدہ کیلئے سب سے بڑا نقصان قرار دیا تھا۔
ریکارڈنگ کی کوئی تاریخ نہیں بتائی گئی جبکہ گفتگو کے سیاق و سباق سے بھی واضح نہیں کہ یہ کس دور کی ہے۔
امریکہ نے الظواہری کو دنیا کا مطلوب ترین انسان قرار دیتے ہوئے اس کے سر پر ایک کروڑ ڈالر کا انعام رکھا ہے۔
