اسلام آباد: اسلام آباد ہائی کورٹ کے چیف جسٹس عامرفاروق کی عدالت نے متنازع ٹوئٹ کیس میں گرفتار پاکستان تحریک انصاف کے رہنما سینیٹر اعظم سواتی کو رہا کرنے کا حکم دے دیا۔
اسلام آباد ہائی کورٹ کے چیف جسٹس عامرفاروق نےاعظم سواتی کی درخواستِ ضمانت پر محفوظ فیصلہ سناتے ہوئے سینیٹر اعظم سواتی کی ضمانت منظور کر لی۔
اعظم سواتی کی ضمانت 2 لاکھ روپے مچلکوں کے عوض منظور کی۔عدالت نے اعظم سواتی کو رہا کرنے کا حکم دے دیا۔ 27 نومبر کو پاکستان تحریک انصاف کے سینیٹر اعظم خان سواتی کو متنازع ٹوئٹ کرنے پر وفاقی تحقیقاتی ادارے نے گرفتار کیا تھا، ٹرائل کورٹ نے 21 دسمبر کو اعظم سواتی کی درخواست ضمانت مسترد کر دی تھی۔
