کراچی : ایم کیو ایم کے رہنما وسیم اختر کا کہنا ہے کہ بادشاہوں کی طرح دکانیں بند کرنے کا فیصلہ صادر نہ کیا جائے۔
ایک انٹرویو میں انہوں نے کہا کہ بند کمرے میں کیے گئے فیصلے کی مخالفت ہو گی۔ان کا کہنا تھا کہ کراچی پورا ملک چلاتا ہے، ٹیکس دیتا ہے، ساڑھے تین کروڑ آبادی ہے، یہاں دو پورٹس ہیں,حکومت کو کراچی کے اسٹیک ہولڈرز کو اعتماد میں لے کر فیصلہ کرنا چاہئیے تھا۔
وسیم اختر نے وفاقی حکومت کی طرف سے مارکیٹیں رات ساڑھے آٹھ بجے بند کرنے کے اعلان کو ناقابل عمل قرار دیتے ہوئے کہا کہ یہاں کوئی بادشاہت نہیں ہے کہ آپ نے فرمان جاری کیا اور ساری قوم آداب بجا لائے گی آپ کو متعلقہ اسٹیک ہولڈرز کو اعتماد لینا چاہئیے تھا پھر کوئی فارمولہ بنانا چاہئیے تھا۔
