سلمان خان پر ملک سے غداری کرنے کا الزام

ممبئی: بالی ووڈ اسٹار سلمان خان پر ان کے مشہور رئیلٹی شو’’بگ باس‘‘ سیزن 10 میں شرکت کرنے والے پنڈت سوامی اون نے سنگین الزامات عائد کرتے ہوئے انہیں پاکستانی خفیہ ایجنسی آئی ایس آئی کا ایجنٹ قرار دے دیا۔

بالی ووڈ اسٹار سلمان خان کے مشہور رئیلٹی شو’’بگ باس‘‘ سیزن 10 سے آؤٹ کیے گئے بھارتی پنڈت نے سلو میاں پر سنگین الزامات عائد کرتے ہوئے انہیں بھارت  دشمن قرار دے دیا ہے۔

پنڈت سوامی کا کہنا تھا کہ سلمان خان  ہندو روایت کے خلاف ہیں اور شو میں ہندو لڑکیوں کا غلط استعمال کرتے ہیں جب کہ شو میں منشیات ملا ہوا کھانا دیا جاتا ہے جس سے انسان تمام حواس کھو بیٹھا ہے۔

انہوں نے  کہا کہ سلمان خان  بگ باس میں شریک ہندو لڑکیوں کو کوکین اور چرس کا استعمال کروا کے اپنے مقصد کے لیے استعمال کرتے ہیں جب کہ سلمان خان اور ان کے شو کے خلاف مقدمہ بھی درج کراچکا ہوں لیکن ان کے خلاف ہر کوئی کارروائی کرنے سے گریز کررہا ہے۔

پنڈت نے کہا کہ سلمان خان یہ سب پاکستانی خفیہ ایجنسی کی ایماء پر کرتا ہے تاکہ بھارت کی ہندو لڑکیوں کو نقصان پہنچایا جاسکے اور اُن کی ویڈیوز بناکر انہیں اپنے مذموم مقاصد کے لیے استعمال کیا جائے۔

اپنا تبصرہ بھیجیں:

اپنا تبصرہ بھیجیں