ریاض :رونالڈو کی شمولیت کے بعد النصر کے انسٹاگرام فالوئرز کی تعداد میں ایک کروڑ سے زائد کا اضافہ ہو گیا۔
رونالڈو اور سعودی فٹبال کلب النصر کی جانب سے اس معاہدے کا اعلان مشترکہ طور پر انسٹاگرام پوسٹ کے ذریعے کیا گیا۔اس پوسٹ کو 3کروڑ سے زائد بار لائیک کیا گیا۔ کلب کو جوائن کرنے کے کچھ دنوں میں النصر کے سوشل میڈیا اکاؤنٹ پر فالوئرز کی تعداد میں حیران کن اضافہ ہوگیا۔
رپورٹس کے مطابق 30دسمبر کو رونالڈو کے ساتھ معاہدہ ہونے سے قبل النصر کے انسٹاگرام فالوئرز کی تعداد 8 لاکھ سے زائد تھی جو اب حیران کن طور پر ایک کروڑ 10 لاکھ سے بھی زیادہ ہوگئی ہے۔
