راولپنڈی: آرمی چیف جنرل سید عاصم منیر نے کہاہےکہ بلوچستان کی سماجی اوراقتصادی ترقی کیلئے سازگارماحول فراہم کرینگے،غیرملکی حمایت یافتہ وطن دشمنوں کی ہرسازش کوناکام بنائیں گے۔
پاک فوج کے شعبہ تعلقات عامہ(آئی ایس پی آر) کے مطابق آرمی چیف جنرل سید عاصم منیر نے بلوچستان کے علاقوں خضدار اور بسیمہ کا دورہ کیا۔آرمی چیف کو سکیورٹی کی صورتحال ا ور فارمیشن کی آپریشنل تیاریوں پر بریفنگ دی گئی۔
آرمی چیف نے دشمن کے عزائم ناکام بنانے کیلئے بہترین آپریشنل تیاریاں برقرار رکھنے پر زوردیا۔اس موقع پر آرمی چیف جنرل سید عاصم منیر نےپاک فوج کے جوانوں سے گفتگو کرتے ہوئے کہاکہ غیرملکی فنڈڈدہشتگردوں کیخلاف آپریشنل تیاریاں جاری رکھیں۔بلوچستان میں بدامنی پھیلانے کی ملک دشمنوں کی سازش سے آگاہ ہیں۔پاک فوج کے جوان آپریشنل تیاریوں کوبرقراررکھیں۔آرمی چیف کا کور کمانڈر کوئٹہ لیفٹیننٹ جنرل آصف غفور نے استقبال کیا۔
