کراچی، گھر مسمار کرنے پر احتجاج کرنے کے جرم میں گرفتار ہونے والا شہری کو سینٹرل جیل میں ماورائے عدالت کردیا گیا۔
تفصیلات کے مطابق سینٹرل جیل میں ریمانڈ پر قید ملزم زاہد کو مردہ حالت میں سول اسپتال لایا گیا جہاں ڈاکٹرز نے اُس کی موت کی تصدیق کی تو پھر لاش کو جناح اسپتال منتقل کیا گیا۔
اہل خانہ کے مطابق زاہد کو احسن آباد میں تجاوزات کے خلاف آپریشن کے دوران احتجاج کرنے پر گرفتار کیا اور مقدمے میں دہشت گردی کی دفعات شامل کی گئیں۔
زاہد سے کل ملاقات ہوئی وہ بالکل ٹھیک تھا، آج اُس کے جسم پر تشدد کے نشانات ہیں اور پولیس حکام پوسٹ مارٹم نہ کرانے کے لیے دباؤ ڈال رہے ہیں۔
ذرائع نیوز کے نمائندے کو ملنے والی اطلاع کے مطابق ملزم زاہد کا احسن آباد میں دو منزلہ گھر تھا جسے سپریم کورٹ کے حکم پر مسمار کیا جارہا تھا کہ اسی دوران زاہد نے احتجاج کیا تو پولیس نے اُسے گرفتار کرلیا۔
