کراچی: ترجمان مہاجر قومی موومنٹ نے دعویٰ کیا ہے کہ گزشتہ روز لانڈھی زون پر خواتین کا اجلاس جاری تھا کہ قانون نافذ کرنے والے اداروں نے چھاپہ مار کر خواتین کے ساتھ بدتمیزی کی۔
ترجمان مہاجر قومی موومنٹ کی جانب سے جاری اعلامیے میں کہا گیا ہے کہ چھاپے کے وقت رینجرز اہلکار دفتر میں داخل ہوئے اور انہوں نے چیزوں کو الٹ پلٹ کرنے کے ساتھ ساتھ تھوڑ پھوڑ بھی کی جبکہ وہاں موجود خواتین کے روکنے پر اُن سے بدتمیزی کی کی گئی۔
حقیقی کے ترجمان نے کہا کہ آفاق احمد کی جانب سے پریس کانفرنس اور آر سی ڈی گرآنڈ میں جلسے کے اعلان کے بعد مخالفین اوچھے ہتھکنڈوں پر اتر آئے اور وہ حقیقی کی بڑھتی ہوئی مقبولیت سے خوفزدہ ہیں۔
انڈھی میں مہاجر قومی موومنٹ کے دفتر پر چھاپہ مارا اور مختلف کمروں کی تلاشی لی ،تاہم اس دوران کوئی گرفتاری عمل میں نہ آسکی،دوسری جانب ذرائع کے مطابق چھاپہ اس وقت مارا گیا جب مہاجر قومی موومنٹ خواتین ونگ کا اجلاس جاری تھا۔
