لاہور : نگران وزیر اعلیٰ پنجاب سید محسن رضا نقوی نے زیرو روٹ لینے سے انکار کر دیا۔ محسن رضا نقوی نے کہا ہے سرکاری پروٹوکول بھی نہیں لیا جائے گا، اپنی گاڑی اور اپنا پٹرول استعمال کروں گا۔ ذرائع کے مطابق نگران وزیر اعلی پنجاب سید محسن رضا نقوی بغیر پروٹوکول وزیر اعلیٰ آفس پہنچے، اعلیٰ سرکاری افسران نے وزیراعلیٰ کا بھرپور استقبال کیا ، ایوان وزیراعلیٰ نے وزیر اعلیٰ ہاؤس کے عملے سے فرداً فرداً مصافحہ کیا۔
وزیراعلیٰ نے کہاکہ عوام کے مسائل سے بخوبی آگاہ ہوں ، کسی صورت عوام کو کسی مشکل میں نہیں ڈالنا چاہتے ہیں۔ ذرائع کے مطابق محسن نقوی کی نگران کابینہ کی تشکیل کے لیے مشاورت جاری ہے، پہلے مرحلے میں محکمہ داخلہ، اطلاعات، فنانس، وزارت قانون، خوراک اور صحت کی وزراتیں تشکیل دی جائیں گی۔ذرائع کے مطابق نگران کابینہ کے 6 وزراء کا آج حلف اٹھانے کا امکان ہے۔
ذرائع کے مطابق نگران وزیراعلیٰ پنجاب سید محسن رضا نقوی چیف سیکرٹری اور آئی جی سے ملاقات کریں گے،صوبے کی گڈگورننس اور امن عامہ پر وزیراعلیٰ کو بریفنگ دی جائے گی، نگران وزیراعلیٰ صوبے میں گندم کے اجراءکی پالیسی ودیگر معاملات پر بریفنگ بھی لیں گے۔
