کراچی : امریکی ڈالرکی پرواز جاری ہے جس کے باعث پاکستانی روپیہ تاحال سنبھل نہیں پایا ہے۔
آج کاروبار کے آغاز سے ہی امریکی ڈالر مزید مہنگا ہونا شروع ہوا اور اس نے اچانک اونچی اڑان بھری ہے۔انٹربینک میں ڈالر اچانک 9 روپے 11 پیسے مہنگا ہونے کے بعد 240 روپے کا ہو گیا۔ ہے۔
گزشتہ روز انٹر بینک میں ڈالر 230 روپے 89 پیسے پر بند ہوا تھا۔انٹر بینک میں ڈالر کی تاحال بلند ترین قدر 239 روپے 94 پیسے 28 جولائی 2022ء کو تھی۔
اوپن مارکیٹ میں ڈالر 12 روپے مہنگا ہو کر 255 روپے کا ہو چکا ہے۔
پاکستان اسٹاک ایکسچینج میں آج صبح کاروبار کا مثبت آغاز دیکھنے میں آیا ہے۔پاکستان اسٹاک ایکسچینج کا 100 انڈیکس 469 پوائنٹس کے اضافے سے 40 ہزار 254 پر آ گیا ہے۔
