کراچی: ایم کیو ایم پاکستان کے کنوینر ڈاکٹر خالد مقبول صدیقی نے ایڈمنسٹریٹر ڈی ایم سی کورنگی محمد شریف کی جانب سے ماڈل زون میں قائم قائد پارک میں عظیم الشان کتب میلے میں شرکت کی ۔
اس موقع پر رکن رابطہ کمیٹی کشور زہراہ، سینیٹر خالدہ اطیب سی او سی کے جوائنٹ انچارج چاند بھائی سی او سی ممبر طارق خان ، ملیر ٹاو ¿ن انچارج فہیم اجمیری و اراکین ٹاون کمیٹی اور یوسی زمہ دران کارکنان بھی موجود تھے ۔
ڈاکٹر خالد مقبول صدیقی نے کتب میلے کے انعقاد پر ایڈمنسٹریٹر ڈی ایم سی کورنگی محمد شریف خان کو سراہتے ہوئے کہا کہ اس طرح کے میلوں سے نوجوانوں میں مطالعہ کے رجحان پروان چڑھے گا ۔
کتابوں سے دوری کی وجہ سے معاشرے میں انتہا پسندی اور عدم برداشت تیزی کے ساتھ پھیل رہی ہے ۔اچھی کتابوں کے مطالعہ سے نوجوان نسل کی مثبت ذہن سازی ہوگی ۔
