کراچی: سلطنت عمان کے قونصل جنرل انجنئیر سمی عبداللہ سلیم الخنجری نے کہا ہےکہ خوشی ہے کراچی میں عالمی معیار کے اسپتال موجود ہیں۔
وہ کلفٹن میں التمش اسپتال کے دورے کےبعد صحافیوں سے گفتگو کررہے تھے، قبل ازیں مہمانوں کو اسپتال کے مختلف شعبوں کا دورہ کروایا گیا۔
عمان کے سفارتکار نے کہا کہ التمش اسپتال نے سب سے زیادہ نا صرف متاثر کیا، بلکہ اسپتال دور جدید کی طبی سہولیات سے آراستہ ہے، اس موقع پر ڈاکٹر منیر احمد نے کہا کہ اسپتال ماہر ڈاکٹرز موجود ہیں۔
اسپتال کو آپریشنل ہوئے صرف 4 سال ہوئے ہیں تاہم بہترین اسپتالوں میں شمار ہونے لگا ہے، بعد ازاں عمان کے قونصل جنرل نے التمش گروپ کی سی ای او ڈاکٹر شاہینہ التمش سے بھی ملاقات کی۔
