کراچی: امیر جماعت اسلامی کراچی حافظ نعیم الرحمن نے مطالبہ کیا ہےکہ الیکشن کمیشن مختلف یوسیز میں امیدواروں کے انتقال کے باعث ملتوی انتخابات کا شیڈول جاری کرے تاکہ انتخابی عمل مکمل ہو، میئر کا انتخاب ہوسکے اور منتخب نمائندے کام شروع کریں، سندھ حکومت معاہدے پر عملدرآمد کرتے ہوئے اختیارات اور وسائل فراہم کیلئے فوری قانون سازی کرے، پی ایف سی ایوارڈ جاری کرے، موٹر وہیکل ٹیکس اور آکٹرائے ٹیکس میں کراچی کو قانونی حق دے۔
ادارہ نور حق میں جماعت اسلامی کراچی کے نائب امیر و انچارج الیکشن سیل راجہ عارف سلطان، متعلقہ یوسیز کے ذمہ داران کی الیکشن کمیشن کی سماعت میں شرکت کیلئے اسلام آباد روانگی کے موقع پر گفتگو کرتے ہوئے کیا۔
انہوں نے کہا کہ سب سے زیادہ ووٹ ہمارے، سیٹیں بھی سب سے زیادہ ہیں، عوامی مینڈیٹ کا تحفظ کریں گے، امید ہےکہ چھینی گئی 9 نشستیں واپس مل جائیں گی، منصفانہ انتخابات ہوتے تو پیپلز پارٹی کی 70 سے بھی کم سیٹیں ہوتیں۔
