کراچی:وزیر توانائی سندھ امتیاز شیخ نے کہا ہےکہ ماحول دوست توانائی پیدا کرنے کی اہمیت بڑھ رہی ہے، میری ٹاٸم کانفرنس میں 50 سے زائد ممالک کی شرکت خوش آئند ہے، اس قسم کی کانفرنس کا انعقاد ہونا چاہیے، کانفرنس سے پاکستانی مصنوعات کو دنیا میں پذیرائی ملے گی، غیر ملکی تجارت کی صورت زرمبادلہ ذخائر میں غیر معمولی اضافہ ہوگا۔
یہ بات انہوں نے ایکسپو سینٹر میں اسٹالز کا دورہ کرتے ہوئے میڈیا سے گفتگو میں کہی، انہوں نے کہا کہ شعبہ توانائی میں بلیو اکانومی کے مواقع موجود ہیںْ
انہوں نے کہاکہ سمندر میں ہوا کی رفتار کئی گنا زیادہ ہوتی ہے، ونڈ ٹربائن لگاکر سستی بجلی بنائی جاسکتی، جس سے کوسٹل ایریا میں اکنامک زون بنایا جاسکتا، محکمہ توانائی ساحلی علاقوں کے قریب آف شور ونڈ پروجیکٹس تیار کرنے کیلئے تعاون کرے گا۔
