لاہور: اداکارہ حرا خان اور اداکار و ماڈل ارسلان خان کی شادی کی تقریبات کا آغاز ہوگیا۔
حرا خان اور ارسلان خان کی مہندی کی تقریب کا انعقاد کیا گیا جس میں مہمانوں سمیت اداکار جوڑی نے بھی خوب ڈانس کیا جس کی تصاویر سوشل میڈیا پر وائرل ہیں۔مہندی کی تقریب کی ویڈیوز اور تصاویر دونوں اداکاروں کی جانب سے انسٹا گرام پر اسٹوری کی صورت میں شیئر کی گئی ہیں۔ویڈیوز میں دیکھا جاسکتا ہے کہ حرا خان نے اورنج رنگ کا جوڑی پہنا ہوا ہے اور ارسلان نے بھی اپنی دلہن کی میچنگ کا لباس زیب تن کیا۔
حال ہی میں ارسلان خان نے اپنے انسٹاگرام اکانٹ پر ایک ویڈیو شیئر کی تھی جس میں اداکارہ حرا خان کو منفرد انداز میں ارسلان کو پروپوز کرتے دیکھا گیا تھا۔
