کراچی کے نوجوان ذیشان اقبال نے ٹریش ٹیگ کے نام سے فیس بک پر ایک ایونٹ بنایا جس میں 60 سے زائد لوگوں نے شرکت کی خواہش کا اظہار کیا۔
ٹریش ٹیگ کے تحت مقامی نوجوان رضا کار سی ویو پہنچے اور انہوں نے کچرا جمع کر کے ساحل کو صاف ستھرا کیا۔ نوجوانوں کے جذبے کو دیکھ کر دو غیر ملکی بھی اُن کے ساتھ شامل ہوگئے۔
یہ پہلا موقع ہے کہ رضا کاروں کے ساتھ غیر ملکی شامل ہوئے اور انہوں نے ساحل کی صفائی کروائی۔ رمیز قریشی نامی صارف نے اس حوالے سے ایک تصویر بھی شیئر کی۔
انہوں نے تصویر میں کھڑے تمام لوگوں کو ٹیگ کیا اور اپنے دیگر دوستوں کو آگاہ کیا کہ دو غیر ملکی نوجوان بھی صفائی مہم میں شامل ہوئے۔ مہم میں نوجوان لڑکی اریشہ خان، ذیشان اقبال اور فرمان شمس سمیت دو غیر ملکی اور ایک مقامی نوجوان شامل تھا۔
