کراچی:سندھ ہائی کورٹ نے قبرستان کی زمینوں پر قبضہ، قبروں کی بے حرمتی اورغیرقانونی تعمیرات پر سندھ حکومت، کے ایم سی اور کنٹونمنٹ بورڈز کو نوٹس جاری کردیے۔
عدالت نے فریقین کو آئندہ سماعت سے قبل جواب دینے کی ہدایت کی ہے درخواست گزار نے موقف اختیار کیا کہ سندھ میں قبرستانوں اور قبروں کے تحفظ کا قانون بحال کیا جاۓ قبروں پر قبریں بناکر بے حرمتی کی جارہی ہے، غیرقانونی مساجد اور مزارات بناۓ جارہے ہیں قبضے کے حوالے سے متعلق مرتضی وہاب کا بیان بھی ریکارڈ پر ہے۔
چیف جسٹس نے درخواست گزار دے استفسارکیا کہ آپ چاہتی ہیں کے ہم مساجد مسمار کروائیں سمیرا محمدی درخواست گزار نے کہا کہ کم از کم غیرقانونی تعمیرات کو ختم کرائا جاۓ قبرستانوں کے تحفظ سے متعلق قانون ایک آرڈیننس کے ذریعے ختم کردیا گیا تھا۔
عدالت نے سندھ حکومت، کے ایم سی اور کنٹونمنٹ بورڈز کو نوٹس جاری کردیئے اورفریقین کو آئندہ سماعت سے قبل جواب دینے کی ہدایت کی ہے ۔
