گینگ وار سے رابطے، پی پی کی اہم شخصیت گرفتار

کراچی : رینجرز نے لیاری کے علاقے سنگولین میں کارروائی کرتے ہوئے گینگ وار سے تعلقات میں الزام میں پیپلزپارٹی کے سابق نائب صدر کراچی حبیب حسن کو گرفتار کر کے نامعلوم مقام پر منتقل کردیا۔

تفصیلات کے مطابق رات گئے کراچی کے علاقے لیاری سنگولین میں قانون نافذ کرنے والے اداروں نے کارروائی کرتے ہوئے پیپلز پارٹی کراچی کے سابق نائب صدر حبیب حسن حراست میں لے لیا، حبیب حسن ڈیم ایم سی ساوتھ یوسی بارہ کے چئیرمین ہیں۔

ذرائع کے مطابق قانون نافذ کرنے والے اداروں کی جانب سے حبیب حسن کے گینگ وار گروپوں سے روابط کی رپورٹ پر کارروائی عمل میں لائی گئی، حبیب حسن گینگ وار گروپوں سے روابط کے علاوہ سہولتکاری میں بھی ملوث ہے۔

حبیب حسن کو حراست میں لینے کے بعد نامعلوم مقام پر منتقل کردیا گیا ہے۔

اپنا تبصرہ بھیجیں: