استعفے منظوری : تحریک انصاف نے سندھ ہائیکورٹ سے رجوع کرلیا

کراچی: استعفوں کی منظوری کے معاملے پر تحریک انصاف کراچی کے سابق اراکین قومی اسمبلی نے سندھ ہائیکورٹ سے رجوع کرلیا، درخواست میں موقف اختیار کیا گیا کہ کراچی میں 16 مارچ کے ضمنی الیکشن روکے جائیں، نوٹیفکیشن کالعدم قرار دیا جائے، ہماری قومی اسمبلی کی نشستیں بحال کی جائیں، لاہور ہائیکورٹ استعفی منظور کرنے کے فیصلے کو کالعدم قرار دے چکی، فیصلے کے بعد کراچی میں ضمنی الیکشن کا جواز نہیں بنتا۔

درخواست گزاروں میں آفتاب صدیقی، سیف الرحمان خان، فہیم خان، عطاء اللہ خان، آفتاب جہانگیر اور دیگر شامل ہیں۔

اس موقع پر آفتاب صدیقی نے میڈیا سے گفتگو میں کہا کہ 11 اپریل کو استعفیٰ دیا تو اسپیکر نے کہا ایک ایک کرکے ارکان کو بلائیں گے، جب اسمبلی واپس جانے کو تیار ہوئے تو استعفیٰ فوری قبول کرلئے۔

وکیل شہاب امام نے کہا کہ اسپیکر نے جس طرح استعفیٰ قبول کئے، وہ غیرقانونی ہے، بدنیتی واضح ہوگئی، اس وقت کٹھ پتلی اپوزیشن لیڈر بیٹھا ہے۔

اپنا تبصرہ بھیجیں: