پاکستان سے سعودی عرب کا سفر کرنے والوں کے لئے نئی گائیڈ لائن جاری !

کراچی : سعودی عرب جانیوالے مسافروں کیلئے سعودی حکومت نے پاسپورٹ اور ویزا کی اسکین کاپی ساتھ رکھنا لازمی قرار دے دیا ہے۔

سعودی سول ایوی ایشن گاکا نے مملکت میں داخلے کیلئے نیا سفری ہدایت نامہ جاری کردیا ہے سعودی ایئر لائن سمیت تمام فضائی کمپنیوں کو نئے سفری ہدایت نامے پر عملدرآمد کرنے کی سخت ہدایات جاری کی گئی ہیں۔

سعودی ایوی ایشن حکام نے سعودی عرب جانیوالے مسافروں کو ہدایت کی ہے کہ مسافر پاسپورٹ اور ویزا کی اسکین کاپی لازمی اپنے پاس رکھیں۔ایئر لائن انتظامیہ ویزا پر پاسپورٹ کے مطابق تفصیلات درج نہ ہونے کی صورت میں مسافروں کو بورڈنگ پاس جاری نہ کریں، غلط کاغذات پر سفر کرنیوالے مسافروں کی رہائش اور واپسی کے اخراجات ایئر لائن انتظامیہ خود برداشت کرے گی۔

سعودی ایوی ایشن کی ہدایت میں کہا گیا ہے کہ ایئر لائن ایسے مسافر کو فوری اگلی ہی پرواز پر واپس بجھوانے کی پابند ہوگی، اس حوالے سے تمام ایئرلائنز اپنے عملے کی ٹریننگ کریں خلاف ورزی کرنیوالی ایئر لائنز پر جرمانہ کیا جائے گا۔

اپنا تبصرہ بھیجیں: