پی ٹی آئی سوشل میڈیاٹیم کے رکن ارشد صدیقی لاپتہ، تصدیق ہوگئی

کراچی: پاکستان تحریک انصاف سندھ کے رہنما علی زیدی اور خرم شیر زمان نے پارٹی کے سوشل میڈیا ایکٹوسٹ ارشد صدیقی کی گمشدگی کی تصدیق کی ہے۔

اپنے بیان میں علی زیدی نے بتایا کہ کراچی سے ہماری سوشل میڈیا ٹیم کے رکن ارشد صدیقی لاپتا ہوگئے ہی۔ں گزشتہ روز ارشد اپنے کام کے لیے گھر سے نکلا تھا، اس کے بعد سے اٴْس کا کچھ پتا نہیں ہے۔
انہوں نے کہا کہ ارشد کے لاپتا ہونے سے اغواء کے ایک اور کیس کی بو آرہی ہے۔علاوہ ازیں رہنما پی ٹی آئی خرم شیر زمان نے بھی ارشد صدیقی کی گمشدگی کو تشویشناک قرار دیا ہے۔
خرم شیر زمان نے کہا کہ ارشد کی گمشدگی کے پیچھے اگر امپورٹڈ سرکار کا ہاتھ ہے تو انہیں مہنگا پڑے گا۔ ان کا مزید کہنا تھا کہ پی ٹی آئی سوشل میڈیا ٹیم کو انتقامی کارروائیوں کا نشانہ بنانا کسی صورت قبول نہیں کیا جاسکتا۔

اپنا تبصرہ بھیجیں: