لاہور ; لاہور پولیس نے2 خطرناک اشتہاری دبئی سے گرفتار کر کے لاہور پہنچا دیئے۔
زرائع کے مطابق قتل کے ملزم نوید کو دبئی سے گرفتار کیا گیا، کمالیہ ٹوبہ ٹیک سنگھ پولیس کو مطلوب اشتہاری عرفان کو بھی دبئی سے حراست میں لیا گیا۔
دونوں ملزمان کو انٹرپول کے ریڈ نوٹسز جاری کروا کر گرفتار کیا گیا۔آئی جی پنجاب عثمان انور نے اشتہاریوں کو گرفتار کر کے پاکستان لانے والی ٹیموں کو شاباش دی۔
قبل ازیں ملزمان قتل کی وارداتیں کر کے دبئی سمیت بیرون ممالک فرار ہو جاتے تھے۔
مگر اب یہ ڈھکوسلا پرانا ہو گیا ہے، قانون کے ہاتھوں سے بچنا ناممکن ہے۔
24 جنوری سے تاحال 33 اشتہاریوں کو گرفتار کیا گیا ہے، ان اشتہاریوں کو امریکہ، برطانیہ، خلیجی ممالک، ساؤتھ افریقہ سمیت دیگر ممالک سے پکڑا گیا۔
