کراچی: تحریک انصاف کے سندھ اسمبلی میں پارلیمانی لیڈر خرم شیر زمان نے وزیر اطلاعات سندھ شرجیل میمن، مرتضی وہاب کی پریس کانفرنس پر ردعمل کا اظہارکرتے ہوئے کہاہے کہ شرجیل میمن،مرتضی وہاب نےمعزز ججوں،عدالتوں کی پریس کانفرنس میں توہین کی ہے ،توہین آمیز گفتگو پر مرتضی وہاب کیلئے واضح ہوا وہ برسٹر کہلائے جانے کے لائق نہیں۔
خرم شیر نے کہاکہ انہیں عدالتیں صرف پیپلز پارٹی،ن لیگ کے حق میں فیصلے دیتی اچھی لگتی ہیں،فیصلوں پر اعتراضات ہیں تو ججوں کیخلاف مہم چلانے کے بجائے جیوڈیشل کؤنسل میں جائیں۔
خرم شیر زمان نے کہاکہ نجی گفتگو ٹیپ کرکے وائرل کرنا ان گھٹیا حرکات کی امید پی ڈی ایم سے رکھی جاسکتی ہے،شرجیل میمن کیلئے اگر ثاقب نثار کی گفتگو غیرائنی ہے تو اس پر تبصرے کیا آئینی ہیں؟۔
ان کاکہناتھاکہ الیکشن سے بھاگنے کیلئے پیپلز پارٹی اور ن لیگ نے رونادھوناشروع کردیا ہے،سیاسی شہید بن کر الیکشن میں جانا دونوں جماعتوں کا پرانا وطیرہ رہا ہے۔
