کراچی : اداکارہ ماہرہ خان بہت جلد نئے ڈرامہ سیریل ’رضیہ‘ کے ساتھ ٹی وی اسکرین پر واپس آرہی ہیں۔
اداکارہ ماہرہ خان نے حال ہی میں نئے ڈرامہ سیریل رضیہ کا اعلان کیا ہے۔
انہوں نے ڈرامے کے سیٹ سے لی گئی اپنی ایک تصویر شیئر کی۔ اداکارہ کی تصویر کو دیکھ کر ڈرامے کی کہانی دیگر کہانیوں سے کافی مختلف لگ رہی ہے اور اداکارہ کا کردار بھی اُن کے دیگر ڈراموں سے کافی مختلف لگ رہا ہے۔
کام کے محاذ پر ماہرہ خان اور اداکارہمایوں سعید ایک نئے پراجیکٹ ’آج رنگ ہے‘ پر ساتھ کام کررہے ہیں۔ندیم بیگ کی ہدایت کاری میں بننے والے پراجیکٹ کو نیشنل ایوارڈ یافتہ مصنف زنجبیل عاصم نے تحریر کیا ہے۔
