واشنگٹن: فیس بک کے بانی مارک زکربرگ کی دولت میں ایک ہی روز 27 اپریل کو 14 فیصد یا 10.2 ارب ڈالرز (28 کھرب پاکستانی روپے سے زائد) کا اضافہ ہوگیا۔
رپورٹس کے مطابق 2023 ءکے آغاز میں مارک زکربرگ کی دولت 46 ارب ڈالرز کے قریب تھی مگر یہ سال ابتک انکے کافی اچھا ثابت ہوا ہے۔
مارک زکربرگ اس وقت دنیا کے 12 ویں امیر ترین شخص ہیں اور بھارت کے مکیش امبانی کو بھی پیچھے چھوڑ دیا ہے۔
رواں سال کے 4 ماہ کے دوران مارک زکربرگ کی دولت میں 41.7 ارب ڈالرز کا اضافہ ہوا اور اب وہ 87.3 ارب ڈالرز کے مالک ہیں۔
