لاہور : فیڈرل انویسٹی گیشن ایجنسی (ایف آئی اے)نے تحریک انصاف کے مرکزی رہنما فرخ حبیب کو بیرون ملک جانے سے روک دیا۔
ذرائع کے مطابق فرخ حبیب پی آئی اے کی پرواز پی کے 203کے ذریعے دبئی جارہے تھے تاہم سٹاپ لسٹ میں نام ہونے کی وجہ سے انہیں روک دیا گیا ۔
ایف آئی اے نے ائیرپورٹ پر فرخ حبیب کو گرفتار کرنے کی کوشش بھی کی تاہم وہ بچ کر ائیرپورٹ سے واپس روانہ ہوگئے۔
ایف آئی اے نے ان کا پاسپورٹ، بورڈنگ کارڈ اور دستی سامان قبضے میں لے لیا۔
ٹویٹر بیان میں فرخ حبیب نے کہا فسطائیت اور فاشزم عروج پر ہے، میرے فیملی ممبر جن کا لیور ٹرانسپلانٹ ملک سے باہر ہورہا ہے ، کی عیادت کے لئے باہر جارہا تھا، ایف آئی اے امیگریشن نے روک دیا، میرا پاسپورٹ اور ہینڈ کیری ان کے پاس ہے۔
