سوئی ساؤدرن گیس کمپنی کی جانب سے گیس اور میٹر کی قیمت میں اضافے کے حوالے سے وضاحتی اعلامیہ جاری کردیا۔
ایس ایس جی سی کی جانب سے جاری اعلامیے کے مطابق اوگرا کی جانب سے 15 فروری 2023 کو قیمتوں کے حوالے سے نوٹی فکیشن جاری کیا گیا۔ جس میں کمرشل، صنعتوں اور گھریلو صارفین کے لیے فی یونٹ کی نئی قیمت مختص کی گئی ہے۔
اعلامیے کے مطابق اوگرا نے گھریلو صارفین کے لیے قیمت فکس کردی ہے جبکہ صارفین کو دو کیگٹریز پروٹیکٹڈ اور نان پروٹیکٹڈ میں تقسیم کیا گیا ہے۔
وہ صارفین جنہوں نے نوے کیوبک میٹر گیس گزشتہ موسم سرما میں نومبر 22 سے فروری 23 تک استعمال کی گئی انہیں پروٹیکٹڈ کیٹگری میں شامل کیا گیا ہے۔ جبکہ دیگر کو نان پروٹیکٹڈ قرار دیا گیا ہے۔
ایس ایس جی سی کے مطابق پروٹیکٹڈ صارفین کے لیے فی یونٹ قیمت میں 10 روپے جبکہ نان پروٹیکٹڈ کیلیے فی یونٹ کی قیمت میں 460 روپے اضافہ کیا گیا ہے۔
سوئی گیس کے مطابق دونوں کیٹگریز کے صارفین کے لیے میٹر کے کرایے کی قیمت 40 روپے برقرار رکھی گئی ہے۔ اعلامیے کے مطابق قیمت میں اضافے کا اطلاق مرحلہ وار بلوں میں کیا جائے گا۔ پہلی قسط میں جنوری 2023 سے مارچ 2023 کے بقایا جات وصول کیے جائیں گے جبکہ فروری 2023 کی بقایا رقم وصول کی جائے گی جو مارچ سے مئی 2023 تک کے بلوں میں وصول کی جائے گی۔
سوئی گیس نے مزید وضاحت کی گئی ہے ایڈجسٹمنٹ اور اضافی یونٹ رقم پچھلے بیلنس میں لگ کر آئے گا۔
