پی ایس 114، پی پی کا ایم کیو ایم کو جھٹکا، رکن سندھ اسمبلی پیپلزپارٹی میں‌شامل

کراچی: پی ایس 114 کے ضمنی انتخابات سے قبل پی پی نے متحدہ پاکستان کی اہم وکٹ لے لی، رکن سندھ اسمبلی عارف مسیح بھٹی نے فاروق ستار کو خیر باد کہہ کر پی پی میں شمولیت اختیار کرلی۔

تفصیلات کے مطابق متحدہ قومی موومنٹ پاکستان کے رکن سندھ اسمبلی عارف مسیح بھٹی نے ایم کیو ایم خیر باد کہہ دیا ہے اور پیپلز پارٹی میں شمولیت اختیار کر لی۔ انہوں نے بدھ کو بلاول ہاؤس میڈیا سیل میں پیپلز پارٹی سندھ کے صدر نثار کھوڑو کے ہمراہ پریس کانفرنس کرتے ہوئے کیا۔

اس موقع پر سندھ کے جنرل سیکریٹری وقار مہدی، سیکریٹری اطلاعات سینیٹر عاجز دھامرا اور سینیٹر سعید غنی بھی موجود تھے، نثار کھوڑ و نے کہا کہ اپنی جماعت کی طرف سے عارف مسیح کا خیرمقدم کرتا ہوں،اور یقین دلاتا ہوں کہ یہ ہمارے ہیں۔

نثار کھوڑو کا کہنا تھا کہ پیپلزپارٹی تمام قومیتوں اور مذاہب کے افراد کو یکساں اہمیت دیتی ہے، وہ زمانہ چلا گیا جب ایم کیو ایم میں جانا آسان اور نکلنا مشکل تھا۔

انہوں نے کہا کہ سیاسی مستقبل کا فیصلہ سب کا حق ہے، لوگ ووٹ پر ہی یقین رکھتے ہیں ۔انہوں نے کہا کہ 22 اگست کے بعد ایم کیوایم نے اپنا اصل نام اپنایا ہے۔الطاف حسین کی پارٹی کا وجود نہیں ہے۔ پہلے الطاف حسین الیکشن کمیشن سے پارٹی رجسٹرڈ کرائیں پھر الیکشن میں حصہ لیں ،کافی لوگ ایم کیوایم کو چھوڑ کر پی ایس پی میں شامل ہوگئے ہیں۔

اپنا تبصرہ بھیجیں: