اسلام آباد : مسلم لیگ (ن )کے رہنما اور سابق وزیراعظم شاہد خاقان عباسی نے کہا ہے کہ قومی احتساب بیورو (نیب) گزشتہ سالوں میں ایک بھی سیاستدان کو نہیں پکڑ سکا۔
نیب کیسز دیکھ کر ملک میں کوئی سرمایہ کاری نہیں کرتا،نیب قانون میں جعلی کیسز کو ختم کرنے کی گنجائش موجود ہے، نیب عدالتوں میں کیمرے لگا کر عوام کو سماعت دکھانی چاہئے۔
احتساب عدالت کے باہر میڈیا سے گفتگو کرتے ہوئے شاہد خاقان عباسی نے کہا نیب کے تماشوں نے ملک کو تباہ کردیا، ملک میں سابق وزیراعظم کو انصاف نہیں ملےگا تو غریب کو کیسے ملے گا۔
ایک سوال کے جواب میں انہوں نے کہا الیکشن کمیشن نے انتخابات کروانے ہیں، جس جماعت نے حصہ لینا ہو انتخابات میں حصہ لے لےگی، انتخابات کرانا ن لیگ کا کام نہیں، پی ٹی آئی نے دونوں بار بدنیتی پر مذاکرات کئے۔
اپنا تبصرہ بھیجیں:
