انسداد دہشتگردی کی خصوصی عدالت نے بھتہ خوری کے الزام میں گرفتار ایس بی سی اے کے انسپکٹر ضیاء الرحمان عرف کالا کو 2 روزہ جسمانی ریمانڈ پر پولیس کے حوالے کردیا۔
کراچی کلفٹن میں انسداد دہشتگردی کی خصوصی عدالت کے روبرو بھتہ خوری کے مقدمے کی سماعت ہوئی۔ پولیس نے گرفتار ایس بی سی اے کے انسپکٹر ضیاء الرحمان عرف کالا کو عدالت میں پیش کیا۔
تفتیشی افسر نے بتایا کہ ملزم ضیاء الرحمان عرف کالا و دیگر کیخلاف پریڈی تھانے میں مقدمہ درج ہے۔ ملزم اور اس کے ساتھیوں نے زیر تعمیر بلڈنگ کے مالک سے 40 لاکھ روپے بھتہ مانگا اور 5 لاکھ وصول کیے۔
عدالت نے ملزم کو 2 روزہ جسمانی ریمانڈ پر پولیس کے حوالے کردیا۔ عدالت نے ریمارکس دیے کہ ملزم کو 15 ستمبر کو پیش رفت رپورٹ کے ہمراہ پیش کیا جائے۔
