پیٹرولیم مصنوعات کی قیمتوں میںاضافے کے بعد ٹرین کے کرائے بھی بڑھا دیے گئے۔
ذرائع کے مطابق ریلوے حکام نے ٹرین کرایوں میں 5 فیصد اضافہ کر دیا ہے، ریلوے انتظامیہ نے میل ایکسپریس ٹرینوں کے ساتھ پارسل ٹرین کرایوں میں اضافہ کیا ہے۔
ریلوے انتظامیہ کاکہنا ہے کہ فیول کی قیمتوں میں اضافہ ہونے کی وجہ سے ٹرینو کے کرائے بڑھائے گئے ہیں۔
ریلوے حکام نے ٹرینوں کے کرایوں میں اضافے کا نوٹیفکیشن جاری کردیا ہے۔
واضح رہے کہ گذشتہ 2 ماہ کے دوران تیسری بار ٹرینوں کے کرائے بڑھائے گئے ہیں۔
