حیدر آباد: قومی ٹیم کے وکٹ کیپر بیٹر محمد رضوان نے کہا ہے کہ بھارتی کنڈیشن کو ریڈ کرنے کی کوشش کی ہے ،ہمیں اپنی فیلڈنگ میں بہتری لانا ہوگیم۔
پاکستان کرکٹ بورڈ کی جانب سے محمد رضوان کی ویڈیو جاری کی گئی ہے جس میں انہوں نے کہا کہ وارم اپ میچ کا مقصد ہے کہ کارکردگی میں بہتری لاسکیں، پاکستان نے بھی وارم اپ میچ میں تجربات کیے ہیں، ان تجربات سے اچھی چیزیں بھی ملیں اور بہتری کی گنجائش کا بھی علم ہوا۔
محمد رضوان نے کہا کہ ہمیں اپنی فیلڈنگ میں بہتری لانا ہوگی، بھارت کی کنڈیشن کو ریڈ کرنے کی کوشش کی ہے، پچ دیکھنے کے بعد میں اور کپتان جاکر صورتحال کے مطابق کھیلتے ہیں، نیوزی لینڈ سے میچ میں پچ بہتر تھا اور رنز بن رہے تھے۔
محمد رضوان نے کہا کہ سینچری کہیں بھی کریں خوشی ملتی ہے اور اعتماد بڑھتا ہے ، بھارت میں پھر کبھی کھیلنے کو ملے یا نہیں اس لیے بھارتی سر زمین پر سینچری کا احساس الگ ہوتا ہے۔قومی کرکٹر نے کہا کہ بھارت جانے سے پہلے بہت مشکلات بھی در پیش رہیں لیکن بھارت میں پاکستان کو جس طرح ویلکم کیا گیا تو ایسا لگا ہم کراچی یا لاہور میں ہیں، حیدر آباد ائیرپورٹ پر جس طرح آوازیں گونج رہی تھیں تو اس کی فیلنگ بہت الگ تھی، جس طرح ہماری عوام پیار کرتی ہے، بھارتی عوام بھی پاکستانی کرکٹرز کو چاہتی ہے، بھارت میں جس طرح ویلکم کیاٹیمم
علاوہ ازیں قومی کرکٹ ٹیم کے کپتان بابر اعظم نے کہا ہے کہ اگلے میچ میں غلطیوں پر قابو پانے کی کوشش کریں گے۔نیوزی لینڈ کے خلاف وارم اپ میچ میں 5 وکٹ سے شکست پر بابر اعظم نے کہا کہ ہم نے اپنی بینچ اسٹرینتھ کو موقع دیا۔انہوں نے کہا کہ اگلے وارم اپ میچ میں غلطیوں پرقابو پانے کی کوشش کریں گے، دوسری اننگزمیں بیٹرز کو زیادہ آسانی مل رہی تھی۔اس موقع پر نیوزی لینڈ کے کپتان ٹام لیتھم نے کہا کہ ہمارے کھلاڑیوں نے ورلڈ کپ کےلئے اچھی تیاری کی ہے۔
دریں اثنا جنوبی افریقا کے سابق فاسٹ بولر ڈیل اسٹین نے ورلڈ کپ میں اپنے 5 فیورٹ بولرز کا بتا دیا۔ایک ویڈیو بیان میں ڈیل اسٹین نے بھارت کے محمد سراج، جنوبی افریقا کے راباڈا اور پاکستان کے شاہین شاہ آفریدی کو دیکھنے کے قابل قرار دیا ہے،نیوزی لینڈ کے ٹرینٹ بولٹ اور انگلینڈ کے مارک ووڈ کو بھی ڈیل اسٹین نے فیورٹ بولر قرار دیا ہے۔ڈیل اسٹین کے مطابق شاہین شاہ آفریدی کی بولنگ روہت شرما دیہان سے کھیلیں گے۔ انہوں نے کہا کہ مارک ووڈ، شاہین شاہ آفریدی، ٹرینٹ بولٹ، محمد سراج اور راباڈا ورلڈ کپ میں عمدہ کارکردگی دکھائیں گے۔
