کراچی: صحافت کے تحفظ اور جمہوریت کی چیمپئن جماعت کے کارکنان نے صحافیوں کو بلاول ہاؤس میں بھی نہ بخشا اور دنیا نیوز کے صحافی پر حملہ کر کے انہیں زدوکوب کیا ساتھ سنگین نتائج کی دھمکیاں بھی دیں۔
تفصیلات کے مطابق گزشتہ روز بلاول ہاؤس میں تقریب جاری تھی کہ دنیا نیوز کے صحافی منور نے نثار کھوڑو سے سوال پوچھا جس کے بعد صورتحال سنگین ہوئی۔
پیپلزپارٹی کے کارکنان نے قیادت کی موجودگی میں صحافیوں پر تشدد کیا اور انہیں سنگین نتائج کی دھمکیاں بھی دیں، بعد ازاں نثار کھوڑو نے کارکنان کے رویے پر معافی مانگی اور معاملے کو رفع دفع کرنے کی کوشش کروائی۔
اب تک نیوز کے بیورو چیف نے صحافی کو سمجھایا کہ “سائیں نے معاف کردیا اب معاملہ ختم ہوجانا چاہیے”۔
