کراچی: پاک بحریہ میں تبدیلی کمانڈ کی تقریب کل ہوگی، بحریہ کے مطابق تقریب میں امجد نیازی نیول کی کمانڈ نئے سربراہ ایڈمرل نوید اشرف کےحوالے کریں گے۔
تبدیلی کمانڈ کی تقریب پاک بحریہ کےہیڈ کوارٹرز میں ہوگی ، تقریب میں سبکدوش نیول چیف ایڈمرل امجد نیازی کو گارڈ آف آنر دیا جائے گا۔سبکدوش نیول چیف ایڈمرل امجد نیازی شرکاسےالوداعی خطاب بھی کریں گے ، جس کے بعد امجد نیازی نیول کی کمانڈ نئے سربراہ ایڈمرل نوید اشرف کےحوالے کریں گے۔
پاک بحریہ کے ایڈمرل نوید اشرف سنیارٹی میں پہلے نمبر پر ہیں ، نیول چیف ایڈمرل امجدنیازی کا آج آخری دن ہے اور وہ الوداعی ملاقاتیں کررہے ہیں۔
پاک بحریہ کے نئے سربراہ وائس ایڈمرل نویداشرف نے 1898 میں آپریشنز برانچ میں کمیشن حاصل کیا، وہ نیشنل ڈیفنس یونیورسٹی اسلام آباد، امریکی نیول وار کالج اور برطانیہ کے رائل کالج آف ڈیفنس اسٹیڈیز سے فارغ التحصیل ہیں۔وائس ایڈمرل نوید اشرف اہم کمانڈ اور اسٹاف عہدوں پر کام کرنے کا وسیع تجربہ رکھتے ہیں اور کمانڈر پاکستان فلیٹ سمیت کمانڈانٹ پاکستان نیول اکیڈمی کے فرائض سر انجام دے چکے ہیں۔ترجمان کے مطابق نوید اشرف ڈپٹی چیف آف نیول اسٹاف (آپریشنز)، ڈپٹی چیف آف نیول اسٹاف (ٹریننگ اینڈ پرسنیل)، ڈپٹی چیف آف نیول اسٹاف (ایڈمن) اور ڈپٹی پریذیڈنٹ نیشنل ڈیفنس یونیورسٹی کے عہدوں پر فائز رہ چکے ہیں۔
ترجمان پاک بحریہ کا کہنا ہےکہ وائس ایڈمرل نوید اشرف اس وقت نیول ہیدکوارٹرز میں چیف آف اسٹاف کے فرائض سرانجام دے رہے ہیں، آپ کی غیر معمولی پیشہ ورانہ خدمات اور بہادری کے اعتراف میں آپ کو ہلالِ امتیاز (ملٹری) اور تمغہ بسالت سے نوازا جا چکا ہے۔واضح رہے کہ نوید اشرف ڈپٹی چیف آف نیول اسٹاف (آپریشنز)، ڈپٹی چیف آف نیول اسٹاف (ٹریننگ اینڈ پرسنیل)، ڈپٹی چیف آف نیول اسٹاف (ایڈمن) اور ڈپٹی پریذیڈنٹ نیشنل ڈیفنس یونیورسٹی کے عہدوں پر فائز رہ چکے ہیں۔
