مومنہ کی زندگی کا نیا موڑ، منگنی ختم

لاہور: کوک اسٹوڈیو میں معروف گلوکار راحت فتح علی خان کے ساتھ آفریں آفریں گانا گا کر شہرت کی بلندیوں کو چھونے والی مومنہ مستحسن کی زندگی میں نیا موڑ آ گیا ہے۔

ذرائع کے مطابق معروف سماجی شخصیت نے بتایا کہ مومنہ مستحسن کی منگنی تین ماہ گزرنے کے بعد ہی ٹوٹ گئی تاہم گلوکارہ کی جانب سے اس خبر کی تصدیق یا تردید نہیں ہو سکی ہے۔

واضح رہے کہ مومنہ مستحسن کی تین ماہ قبل پاکستانی نژاد امریکی بینکر علی نقوی سے ایک نجی تقریب میں منگنی ہوئی تھی جس میں خاندان کے صرف چند ہی مخصوص لوگوں نے شرکت کی تھی۔

مومنہ مستحسن نے ٹویٹر پر پیغام کے ذریعے اپنے مداحوں کو منگنی کی خبر دی تو کئی عاشقوں کے دل ٹوٹ گئے ۔مومنہ مستحسن نے اپنی منگنی کے بارے میں مداحوں کو آگاہ کرتے ہوئے کہا تھا کہ ان کی ملاقات علی نقوی سے ایک ماہ قبل ہوئی جس کے بعد دونوں کے گھروالوں کو یہ رشتہ پسند آیا تو منگنی منعقد کی گئی تھی۔

اپنا تبصرہ بھیجیں:

اپنا تبصرہ بھیجیں