کراچی : نگران وزیراعلیٰ سندھ جسٹس (ر) مقبول باقرنے گزشتہ 24 گھنٹے کے دوران جرائم رپورٹ پر شدید برہمی کا اظہارکیاہے ۔
رپورٹ کے مطابق گزشتہ 24 گھنٹوں میں شہر سے 100 موٹرسائیکل چوری اور 18 چھینی گئی،گزشتہ 24 گھنٹوں میں پانچ گاڑیاں چوری ، تین قتل اور 17 زخمی ہوئے
نگران وزیراعلیٰ سندھ جسٹس (ر) مقبول باقرنے کہاکہ جرائم کی اس بھیانک صورتحال سے اندازہ لگایا جاسکتا ہے کہ پولیس کی کرائم کنٹرول پر توجہ نہیں،
نگران وزیراعلیٰ سندھ نے 24 گھنٹوں کے کرائم رپورٹ پر آئی جی سندھ اور ایڈیشنل آئی جی کراچی سے رپورٹ طلب کرلی کہ گزشتہ 24 گھنٹوں میں پولیس نے کتنے اسٹریٹ کرمنلز پکڑ ے اور کتنی پیٹرولنگ کی؟ ۔
نگران وزیراعلیٰ سندھ جسٹس (ر) مقبول باقرنے کہاکہ جو ایس ایچ اوز سمیت پولیس افسران کرائم کنٹرول نہیں کرپارہے انکو گھر بھیجیں، شہر کو اچھے پولیس افسران کی ضرورت ہے۔