لاہور : پنجاب کی نگراں حکومت نے اسموگ کے باعث لاہور میں اتوار کے ساتھ بدھ کو بھی دفاتر، تعلیمی ادارے، مارکیٹیں اور کاروباری مراکز بند رکھنے پر غور شروع کردیا۔
لاہور میں بڑھتے ہوئے اسموگ کے باعث پنجاب کی کمیٹی برائے انسداد اسموگ نے شہریوں کے تحفظ کیلیے مختلف تجاویز پیش کی ہیں جن میں بدھ کے روز بھی مارکیٹیں ، بازار، تعلیمی ادارے بند رکھنے کی تجویز پیش کی گئی ہے۔
علاوہ ازیں دفاتر کی تعطیل کی بھی سفارش کی گئی ہے اور اس کے ساتھ ہفتے میں ایک روز ورک فرام ہوم کی بھی تجویز دی گئی ہے۔
ترجمان پنجاب حکومت نے بتایا کہ انسداد اسموگ کمیٹی کی مختلف تجاویز سامنے آئیں ہیں، جن کی منظوری کابینہ دے دی۔ انہوں نے وضاحت کی کہ کل بدھ کو تمام تعلیمی ادارے، کاروباری مراکز اور دفاتر معمول کے مطابق کھلے رہیں گے۔
علاوہ ازیں کمشنر لاہور سے ملاقات میں تاجروں نے بھی بدھ کے روز مارکیٹ بند کرنے کی حمایت کردی جبکہ حکومت کو انسداد اسموگ کے حوالے سے شجر کاری اور دیگر مںصوبوں پر کام شروع کرنے پر زور دیا ہے۔
