کوئٹہ: کالعدم تنظیم بلوچ لبریشن آرمی ( بی ایل اے ) عبدالمجید بریگیڈ کے اہم سرغنہ صدام حسین مسلم اور ساتھی کو تربت کے علاقے کیچ میں ہلاک کر دیا گیا۔
میڈیا رپورٹ کےمطابق سکیورٹی فورسز نے بی ایل اے کے دہشت گردوں کے خلاف انٹیلی جنس بیسڈ آپریشن کیا۔ جس کے دوران دہشت گرد صدام حسین مسلم کو ہلاک کر دیا گیا۔ہلاک دہشت گرد صدام کو گرو اور جبار جیسے ناموں سے بھی جانا جاتا تھا۔
آپریشن کے دوران اس کا ایک اور ساتھی بی ایل اے کا دہشت گرد مقصود بھی مارا گیا۔
فورسز نے بی ایل اے دہشت گردوں کے قبضے سے بھاری اسلحہ اور بارودی مواد بھی برآمد کیا ہے۔
صدام 2016ء سے جنوبی بلوچستان میں بی ایل اے کی مدد سے دہشت گردی کی 93 وارداتوں میں ملوث تھا۔
صدام دستی بم حملے، بارودی سرنگوں کے حملے اور ٹارگٹ کلنگ میں ملوث رہا ہے۔ ان حملوں میں 131 معصوم لوگوں کی جانیں گئیں اور 177 لوگ زخمی بھی ہوئے۔
