کراچی: کراچی انٹرنیشنل ایئرپورٹ کلکٹریٹ نے کارروائی کرتے ہوئے 8 لاکھ روپے مالیت کی غیر ملکی شراب کراچی اسمگل کرنے کی کوشش ناکام بنا دی۔
بین الاقوامی آمد لانج پر تعینات کسٹمز ایئرپورٹ کلکٹریٹ کے عملے نے دبئی سے نجی ایئرلائن کی پرواز سے کراچی پہنچنے والے محمد ثاقب نامی مسافر کے سامان کی تلاشی لی۔
جناح انٹرنیشنل ایئرپورٹ کے گرین چینل استعمال کرتے ہوئے لاؤنج سے باہر جانے کی کوشش کرنے والے مسافر کو عملے نے شک کی بنیاد پر روک کر اس کے سامان کی اسکیننگ کی۔
ایئر پورٹ پر مسافر کے سوٹ کیس میں شراب کی بوتلوں کی نشاندہی ہوئی جس پر اس کے سامان کو کسٹمز ایگزامینیشن کانٹر پر منتقل کرکے مسافر کی موجودگی میں ہی سوٹ کیس سے 30 بوتل اعلی اقسام کی شراب برآمد کی۔
ترجمان پاکستان کسٹمز کے مطابق ایئر پورٹ سے برآمد شدہ شراب کی 30 بوتلوں کی کل مالیت 8 لاکھ روپے ہے۔ ملزم کے خلاف کسٹمز ایکٹ کے تحت کارروائی کی جارہی ہے۔
